Транспорт министрлиги быйыл кайсы жолдор оңдоло турганын билдирди

2026-жылы өлкө ичиндеги стратегиялык жана жергиликтүү маанидеги автожолдор оңдолот. Бул тууралуу 30-мартта Транспорт жана коммуникациялар министрлигинин маалымат кызматы билдирди.

Маалыматка ылайык, мамлекеттик бюджеттин эсебинен учурда курулушу уланып жаткан долбоорлор:

Балыкчы — Бөкөнбаев — Каракол;
Нарын — Баетов;
Ала-Бука — Жаңы-Базар — Кировка;
Сафаровка — Барпы жолдору улантылат.

Ошондой эле Түндүк — Түштүк альтернативдик жолундагы кошумча 5 курулманын:

Барскоон – Бедел жолунун;
Бишкек шаарынын түндүк айланма жолу;
Лебединовка – ГЭС-5;
Бишкек – Кант;
Арашан – Чуңкурчак;
Бишкек – Күн-Туу – Шопоков сыяктуу объектилердин курулушу улантылат.

Инвестициялык долбоорлордун эсебинен төмөнкү иштер улантылат:

"Суусамыр – Талас – Тараз" автожолун реконструкциялоо (IV фаза);
Корумду – Балбай Баатыр участогу;
Барскоон айылынан Каракол шаарына чейинки участок.

Жаңы долбоорлор:

Профсоюз көчөсү – 8,5 чакырым;
Жаны Ош базарына барчу жол – 8,7 чакырым;
Чолпон-Ата шаарын айланып өтүүчү жол – 15 чакырым;
Ак-Суу районундагы Бозучук – Жыргалан унаа жолунун 14,5 чакырым аралыгына асфальт-бетон төшөө;
Ак-Суу районундагы «Жыргалаң» («Ала-Тоо резорт») тоо лыжа базасына барчу 8,5 чакырымдык альтернативдик жолду, ошондой эле ага туташуучу жана технологиялык жолдорду долбоорлоо жана куруу;
Жети-Өгүз – Койсары (Жети-Өгүз курорту) унаа жолунун 15 чакырым аралыгын реконструкциялоо;
Узундугу 51 чакырымды түзгөн Тамдык – Кишемиш – Дөнөн – Булак-Башы унаа жолун долбоорлоо жана куруу.

Белгилей кетсек, "Мамлекеттик капиталдык салымдар" беренеси боюнча 700 чакырым, ал эми Титулдук тизме боюнча 457 чакырым жолду куруу жана оңдоо каралган.