Экс-депутат министрдин орун басары болду

Жогорку Кеңештин мурдагы депутаты Аида Исатбек кызы эмгек, социалдык камсыздоо жана миграция министринин орун басары болуп дайындалды. Бул тууралуу бүгүн, 13-апрелде мекеменин маалымат кызматы билдирди.

Маалым болгондой, тиешелүү тескемеге министрлер кабинетинин төрагасы Адылбек Касымалиев кол койду.

Аткаминерди эмгек жамаатына Министрлер кабинетинин чечимдерин даярдоо боюнча башкармалыгынын тармактык саясат бөлүмүнүн социалдык секторунун башчысы Жыпариса Рыспекова тааныштырды.

Буга чейин бул кызматты Айнура Орозбаева аркалап келген.