УКМКнын учурдагы башчысы Ташиев кызматтан кеткенден кийинки өзгөрүүлөргө токтолду

УКМКнын башчысы Жумгалбек Шабданбеков "Номад" телеканалынын "Камчыбек Ташиевдин кызматтан кетишинен кийин кандай өзгөрүүлөр болду?" деген суроосуна жооп берди.

Ал атайын кызмат белгилүү бир адам үчүн түзүлгөн жеке агенттик эместигин, мамлекеттик мекеме экендигин баса белгилеген.

"Жетекчиликтин ар кандай алмашуусу мамлекеттик мекемедеги табигый көрүнүш. Учурда биздин көңүлүбүз агенттикти системдүү модернизациялоого бурулган. Негизги өзгөрүүлөр ички тартипти чыңдоого, штаттык түзүмдү оптималдаштырууга байланыштуу. Бирок негизги максаттар өзгөрүүсүз калууда. Алсак, мамлекеттин жана коомдун коопсуздугун камсыз кылуу",- деген Шабданбеков.