"Карызга батып жатышат". Депутат өкмөттөн онлайн казинону көзөмөлдөөнү өтүндү

Жогорку Кеңештин депутаты Табылды Муратбеков өкмөттөн онлайн казинолорду көзөмөлгө алууну суранды.

"Анын кесепетинен көптөгөн жарандарыбыз карызга батып жатышат, үй-бүлөлөр бузулуп, жаштардын келечеги талкаланып жатат. Казинонун айынан өз өмүрүнө кол салган учурлар бар. Тиешелүү мекемелерге тапшырма берилиши керек",- деди эл өкүлү бүгүн, 29-апрелдеги парламент жыйынында.