SUPER.KG порталы кыргызстандыктарды Жеңиш күнү менен куттуктайт

Бүгүн, 9-май – Жеңиштин 81 жылдыгы өлкөдө жогорку деңгээлде белгиленүүдө. Бул күн – совет элинин 4 жылга созулган эң оор, эң кайгылуу Улуу Ата Мекендик согуштагы фашисттик Германиянын үстүнөн жеңишке жетишкен күнү. Бул күнгө байланыштуу өлкө аймактарында ири майрамдык иш-чаралар уюштурулуп, согуштун жана тылдын ардагерлерине сый-урмат көрсөтүлүүдө.

SUPER.KG порталы жалпы кыргызстандыктарды Жеңиш күнү менен куттуктайт. Бул күн миллиондогон адамдардын өмүрү, кайраты жана каармандыгы менен келген улуу тарыхый дата. Улуу Ата Мекендик согушта кыргызстандыктар фронтто да, оорукта да теңдешсиз эрдик көрсөтүп, Жеңишке баа жеткис салым кошушкан.

Биз бүгүнкү бейпил жашоо үчүн жанын арнаган ата-бабаларыбыздын алдында башыбызды ийип таазим кылабыз. Алардын мекенчилдиги, чыдамкайлыгы жана эрдиги ар дайым биздин жүрөгүбүздө сакталат.

Ардагерлерибизге бекем ден соолук, узун өмүр, ал эми элибизге тынчтык, ынтымак жана бакубат жашоо каалайбыз.