Бишкекте турак үйлөрдүн 99 пайызы ысык суу менен камсыз болду

Бүгүн, 11-майга карата Бишкек шаарындагы турак үйлөрдүн 99 пайызы ысык суу менен камсыз болду. Бул тууралуу мэриянын басма сөз кызматы билдирди.

Маалыматка ылайык, учурда калган абоненттерди кошуу жана айрым үйлөрдө ысык суунун жоктугунун себептерин четтетүү боюнча иштер жүрүп жатат.

Мындан тышкары ысык суу берилгенден кийин гидравликалык режимди жана циркуляцияны жөнгө салуу иштери жүргүзүлөт. Буга байланыштуу айрым үйлөрдө ысык суу бир аз кечигүү менен келиши мүмкүн.

Айта кетсек, 1-апрелден 9-майга чейин борбор калаада жылуулук тармагындагы оңдоо иштерине байланыштуу ысык суу убактылуу өчүрүлгөн.