"Жайда дагы таза аба жок". Депутат заводдорго 3 жыл убакыт берүүнү сунуш кылды

Жогорку Кеңештин депутаты Махабат Мавлянова заводдордун абага зыянсыз түтүн бөлүп чыгаруучу жабдыктар менен жабдылышына 3 жыл убакыт берүүнү сунуш кылды.

Анын айтымында, Канттагы цемент заводдон чыккан зыяндуу түтүн Чүй менен Бишкекти каптап жатат.

"Азыр абага ыш эмес, буу гана чыгарган жабдыктар бар. Алар кымбат деле эмес. Кийинки салына турган заводдорго дагы милдеттендирүү жагын карап чыгыш керек. Мына, жай мезгилинде дагы таза аба жок. Азыр шаар ичинен билинбей жатат. Тоого чыксаңар, шаар түтүнгө капталып жатат",- деди эл өкүлү.