Садыр Жапаров абакта жатканда жүрөгүн өйүгөн көйгөйдү эскерди

Өлкө башчы Садыр Жапаров тоголок жетимдер үчүн уюштурулган убактылуу жашоочу жайга барды. Алар жашай турган батирлер Мамлекеттик ипотекалык компания тарабынан салынган көп кабаттуу батирлерден берилген.

Президент бул маселе абакта жаткан учурунда эле жүрөгүн өйүгөн көйгөй болгонун айтты.

"Мен камакта отурганда үч томолой жетим бала бар болчу. "Эмне болуп келип калдың?" десе, алар барар жери жоктугунан тамак-аш, кийим-кече уурдашканын айтышчу. Анан президент болгон күндөн баштап эле бир үй алып, жетим балдарды топтойлу деп келгем", - деди мамлекет башчы.