Спикер Кыргызстанды дүйнө таанып баштаганын айтты

Бүгүн, 4-июндагы Жогорку Кеңештин жыйынында спикер Марлен Маматалиев өлкө жарандарын Кыргызстан БУУнун Коопсуз кеңешине туруктуу эмес мүчө болуп шайланышы менен куттуктады.

Парламент төрагасы буга чейин Кыргызстанды көп өлкөлөр тааныбай келгенин белгилеп, акыркы беш жылда президент Садыр Жапаровдун жигердүү саясатынын аркасында өлкө тышкы саясатта жакшы жетишкендиктерге жетип жатканын айтты.

"Эми мамлекетибиз дагы-дагы чоң абройго ээ болот. Экинчиден, биз дүйнөлүк масштабдуу маселелерди чечкенге катышабыз жана ал жакта өзүбүздүн көйгөйлөрдү чечкенге дагы мүмкүнчүлүк бар. Үчүнчүдөн, турист, инвестиция тартуу жагынан өбөлгө түзүлөт",- деди Маматалиев.