"Сөзүңөргө тургула да!" Спикердин ачуусунан улам мыйзам долбоору күн тартибинен алынды

Бүгүн, 4-июндагы Жогорку Кенештин жыйынында мамлекеттик жарандык кызмат жана муниципалдык кызмат жөнүндөгү мыйзамга өзгөртүү киргизүү долбоору үчүнчү окууга киргизилди.

Талкууда депутаттар берген сунуштары эске алынбаганын белгилешти. Мындан улам парламенттин төрагасы Марлен Маматалиев мыйзам долбоорун күн тартибинен алып салууну сунуштады.

"Өткөндө бир топ айтылган сунуштарды эске алууну убада кылгансыңар. Силер айткан сөзүңөргө тургула да! Ар бир депутат менен иштеп чыккыла", - деди спикер.

Жыйынтыгында мыйзам долбоорун күн тарбинен алып салуу сунушу бир добуштан колдоо тапты.