Энергетика тармагына 41 жаңы атайын техника тапшырылды

Энергетика тармагынын материалдык-техникалык базасын чыңдоо максатында 41 жаңы атайын техника пайдаланууга берилди. Бул тууралуу Энергетика министрлиги маалымдады.

Техникаларды тапшыруу аземине министрлер кабинетинин төрагасынын орун басары Эрлист Акунбеков жана энергетика министри Таалайбек Ибраев катышты.

Маалыматка ылайык, заманбап техникалар "Кыргызстан улуттук электр тармактары" ААКсынын өздүк каражатына 181,6 миллион сомго сатылып алынган.

Жаңы техникалар өлкөнүн бардык аймактарындагы электр тармактары ишканаларына бөлүштүрүлүп берилет. Алардын катарында жүктөгүч-экскаваторлор, автовышкалар, оор жүк ташуучу техникалар, чиркегичтер жана авариялык-бригадалык унаалар бар.

Министрликтин маалыматына караганда, жаңы техникалар электр тармактарын тейлөөнүн сапатын жакшыртып, авариялык кырдаалдарга ыкчам чара көрүүгө мүмкүндүк берет.