Депутат Кочкордогу сапатсыз мектепте окуучулар эсин жоготуп жыгылганын айтты

Бүгүн, 10-июндагы Жогорку Кеңештин жыйынында депутат Алтынкүл Мурзакимова Кочкордун Төлөк айылындагы мектептин сапатсыз курулганын айтты.

Эл өкүлү анын дарегине мугалимдер менен айыл башчы кайрылганын белгиледи. Мурзакимованын айтымыныда, мектеп 2007-жылы жеңил конструкция менен салынган. Курулуш учурунда сапатсыз материалдар колдонулган.

"Кышкысын мектеп суук болсо, күн жылыганда ысык болот экен. Ысыганда сапатсыз материалдардан зыяндуу заттар чыгып, балдар эсин жоготуп жыгылган учурлар катталыптыр",- деди ал.

Депутат айым кайрылгандар 400 орундуу мектеп салып берүүнү өтүнүшкөнүн кошумчалады.