Депутат "Баатыр эне" наамын алуу жол-жобосун жеңилдетүүнү сунуштады

Жогорку Кеңештин депутаты Райимберди Дүйшенбиев парламенттин 10-июндагы жыйынында "Баатыр эне" наамын алуу жол-жобосун жөнөкөйлөтүүнү сунуштады.

Айтымында, учурда аталган наамды алуу үчүн 11 түрдүү документ керектелет.

"Бул талап көп балалуу энелер үчүн бюрократиялык тоскоолдук жаратууда. Айрым жарандарыбыз ар кандай себептерден улам документтерди чогулта албагандыктан наамдарды ала албай келет.

Талап кылынган документтердин санын кыскартып, мамлекеттик органдардын маалымат алмашуу процессин санарип негизде жүргүзүп, бул наамды берүү жол-жобосун жөнөкөйлөтүү керек",- деди депутат.