Депутат мечиттер тууралуу маселе көтөрдү

Жогорку Кеңештин жыйынында депутат Уланбек Жаанбаев өкмөттү мыйзамсыз салынып калган мечиттерди документтештирүүгө чакырды.

Ал ошондой эле мечиттерди салууну көзөмөлгө алууну өтүндү.

"Өлкөдөгү 4470 мечиттин 3673ү мыйзамдуу. Калган 797 мечиттин документтери жок. Ушул жаатта иш алып барылып, мечиттердин жерлери мыйзамдаштырылып берилсе жакшы болмок. Мындан кийин мечит салынып жатканда нормаларга ылайыкташтырылыш керек. 5-6 мечити бар айылдар бар",- деди Жаанбаев.