Ошто бир күндө 10 жаңы сквер ачылды  

Кечээ, 10-июнда Ош шаарында 10 заманбап сквер пайдаланууга берилди. Бул тууралуу мэриянын маалыматтык камсыздоо бөлүмү билдирди.

Маалымдалгандай, жашыл аймактын жалпы аянты 2,57 гектарды түзгөн. Бардык скверлерде тротуарлар төшөлүп, заманбап жарыктандыруу орнотулуп, отургучтар жана таштанды урналары коюлду. Айрым жерлерде көп кабаттуу үйлөрдүн фасаддары актап-сырдалды.

Мындан тышкары, шаар мэри Жанар Акаев өз сөзүндө дагы 10 скверди жасоо боюнча чечим кабыл алынганын билдирди.