Жумуш ордунда ыдык көрсөтүү учурлары катталса каякка кайрылса болот?

Эмгек, социалдык камсыздоо жана миграция министрлиги иш чөйрөсүндө зомбулуктун жана ыдык көрсөтүүнүн алдын алуу механизмдерин киргизүү боюнча пилоттук долбоорду ишке киргизүүдө.

Маалыматка ылайык, пилоттук долбоор 31-июлга чейин өткөрүлөт. Аны ишке ашыруу мезгилине жумуш орундарындагы зомбулук жана ыдык көрсөтүү учурларын алдын алуу, аныктоо жана кароо тартибин аныктаган убактылуу нускама бекитилген.

Долбоордун алкагында мамлекеттик эмгек инспекторлору үчүн окутуу иш-чаралары өткөрүлүп, ошондой эле мындай учурларга чара көрүүнүн практикалык механизмдери сыноодон өткөрүлдү.

Пилоттук долбоордун жыйынтыгы боюнча анын натыйжалуулугуна баа берилип, тиешелүү сунуштар даярдалат.

"Эгерде сиз жумуш ордунда зомбулукка же ыдык көрсөтүүгө туш болсоңуз, Эмгек министрлигине караштуу Эмгек мыйзамдарын контролдоо жана көзөмөлдөө кызматына төмөнкү телефон аркылуу кайрылыңыз: (0312) 39-16-35", - дешти мекемеден.