Чолпон-Атада Бирдиктүү коопсуздук кызматынын гарнизондук бөлүштүрүүсү өткөрүлдү

Ысык-Көл облусунун Чолпон-Ата шаарында туристтик сезон маалында коомдук коопсуздукту камсыздоо жана мүмкүн болгон өзгөчө кырдаалдарга ыкчам чара көрүү максатында Бирдиктүү коопсуздук кызматынын күчтөрү менен каражаттарынын гарнизондук бөлүштүрүүсү болуп өттү. Бул тууралуу ИИМдин Ички аскерлеринин басма сөз кызматы билдирди.

Иш-чарага министрлер кабинетинин төрагасы Адылбек Касымалиев жана ички иштер министри Улан Ниязбеков катышты.

Гарнизондук бөлүштүрүүгө Ички иштер министрлигинин Ички аскерлеринин өздүк курамы да тартылып, туристтик сезондо жарандардын жана эс алуучулардын коопсуздугун камсыздоого даярдыгы көрсөтүлдү.

Бул иш-чара Ысык-Көл аймагында коомдук тартипти сактоо, туристтер үчүн коопсуз шарттарды түзүү жана өзгөчө кырдаалдарга ыкчам жооп кайтаруу боюнча жүргүзүлүп жаткан комплекстүү иштердин алкагында уюштурулду.