Ысык-Көлдөгү тоо аралап өткөн жол кандай курулуп жатат?

Барскоон–Бедел унаа жолунда Сөөк жана Ашуу-Суу туннелдерин, ошондой эле көпүрө салуу иштери жүрүүдө. Бул тууралуу Транспорт министрлиги билдирди.

Карасай дарыясына 60 метр узундуктагы убактылуу көпүрө пайдаланууга берилди. Долбоордо 50дөн ашык көпүрө, 2 туннель жана башка коргоочу инфраструктуралык курулуштарды салуу каралган.

Учурда 1100дөн ашык жумушчу эмгектенип жатса, жакында 2500 адамга чейин көбөйтүлөт. Долбоордун негизги курулуш иштерин 2029-жылы аяктоо, ал эми объектти 2030-жылы пайдаланууга берүү пландалууда.