Бишкекте жол оңдоо иштерине байланыштуу дагы 13 автобустун каттамы өзгөртүлдү

Бишкек шаарында Аалы Токомбаев жана Байтик баатыр көчөлөрүнүн кесилиши жабылгандыгына байланыштуу 13 автобустук каттамдын кыймыл схемалары убактылуу өзгөртүлдү.

Мэрия маалымдагандай, өзгөртүүлөр төмөнкү каттамдарга тиешелүү: №10(Т), №103, №56, №152, №175, №66, №104, №35, №1, №9, №215, №45 жана №146.

Бул чаралар 17-18-июнь күндөрү жүргүзүлө турган жолдорду реконструкциялоо иштеринин алкагында аткарылууда.