Бишкекте ири алдамчылыкка шектелгендер кармалышты (видео)

Бишкек шааарында ири алдамчылыкка шектелген жарандар кармалышты.

ИИМден маалымдагандай, Д.Н. аттуу жаран милицияга арыз менен кайрылган. Анда белгисиз адамдар WhatsApp мессенжери аркылуу байланышып, психологиялык басым көрсөтүү менен 7 миллион 800 миң сом акча каражатын ээлеп алышкан. Аталган факт боюнча Кылмыш-жаза кодексинин 209-беренеси (Алдамчылык) менен кылмыш иши козголгон.

Натыйжада абоненттик номурларды активдештирип, аккаунттарды сатуу менен алектенген 1999-жылы туулган Ф.В. аттуу жаран жана банктык картасын үчүнчү жактарга пайдаланууга берген 2007-жылы туулган А.Д. аттуу жаран кармалган.

Соттун чечими менен эки шектүү тең эки айлык мөөнөткө камакка алынды.