Садыр Жапаров: "Кыргызстан Албания менен кызматташууга кызыкдар"

Кыргызстан Албания менен кызматташтыгын кеңейтүүгө кызыкдар. Бул тууралуу президент Садыр Жапаров Чолпон-Ата шаарында Албаниянын өлкө башчысы Байрам Бегай менен жолугушууда айтты.

Президенттин айтымында, эки өлкөнүн дипломатиялык мамилелери 1992-жылы түзүлгөн. Азыр эки тараптуу кызматташтык калыптануу баскычында турат.

“Кыргызстан Албанияны Европадагы маанилүү өнөктөштөрдүн бири катары тааныйт. Эки өлкөнүн ортосундагы кызматташтыкты кеңейтүүгө кызыкдарбыз”,- деди президент.

Ал эми Бегай өз сөзүндө Кыргызстанды жакында БУУнун туруктуу эмес мүчөсү болуп шайланганы менен куттуктады.

“Бул расмий сапар эки өлкөнү жакындатат. Буга чейин мамлекеттер арасында формалдуу мамиле болду эле. Бул жолку жолугушуу алгачкы кадам болууда. Кызматташтыкты бекемдөөгө даярбыз”,- деди Бегай.