Маматалиев "75чилердин каты" боюнча айтып жатып президентти арстанга теңеди (видео)

Бүгүн, 18-июндагы Жогорку Кеңештин жыйынында спикер Марлен Маматалиев "75чилердин каты" боюнча теманы кайрадан козгоду.

Маматалиевдин айтымында, парламенттин комитетине чейин жеткен каттын артында саясий кызыкчылыктар турган.

"Жөнөкөй тил менен айтканда, чөөлөр арстанга кол салуу аракетин көргөн. Бирок эч бир учурда арстан чөөлөргө жем болуп калган эмес. Арстандын артында 7 миллион эл турат",- деди төрага.

Эскерте кетсек, аталган кат тууралуу сот отурумуна барган мурдагы төрага Нурланбек Тургунбек уулу да комментарий берди.