Базар-Коргондо ЖРТдан эң жогорку балл алган бүтүрүүчүгө утушка коюлган унаа өз ээсин тапты (видео)

Жалал-Абад облусунун Базар-Коргон районунда жалпы республикалык тестирлөөдөн эң жогорку упай алган бүтүрүүчүгө Changan үлгүсүндөгү унаа белекке тапшырылды. Жеңүүчү Залкар Раимжанов 215 упай топтоп, район боюнча мыкты жыйынтык көрсөткөнүн райондук жетекчиликтен билдиришти.

Маалыматка ылайык, бул жылы район боюнча 900 бүтүрүүчү ЖРТга катышып, алардын ичинен 41 окуучу жогорку балл алган. Жеңүүчүгө берилген унаа жеке ишкер тарабынан демөөрчүлүк негизде тапшырылды.

Эскерте кетсек, аталган унаа белекке берилери июндун башында маалым болуп, бүтүрүүчүнү бул жетишкендикке даярдаган мугалимге 100 миң сом берилери да кошумчаланган.