Президенттин видеосунан кийин балыкчылардын көйгөйү чечилүүдө

Балык өнөр жайы комплекси департаменти спорттук жана ышкыбоздук балык уулоого байланыштуу төлөмдөрдү төмөндөтүүнү караган токтом долбоорун иштеп чыгып, макулдашууга жөнөттү.

Айыл чарба министрлиги маалымдагандай, токтом долбоору өлкө башчы Садыр Жапаровдун балыкчылар менен жолугушуусунда берилген тапшырманы ишке ашыруунун алкагында иштелип чыккан.

Сунушталган жаңы тарифтер:

Ысык-Көлдө чабак, чабакча жана сазан балыктарын уулоо үчүн:

• 1 сутка — 313 сом.
• 2 сутка — 463 сом.
• 3 сутка — 613 сом.

Ысык-Көл жилингири балыгын уулоо үчүн:

• 1 сутка — 363 сом.
• 2 сутка — 563 сом.
• 3 сутка — 763 сом.

Айта кетсек, социалдык тармактарда президенттин Ысык-Көлдүн жээгинде көйгөй чечип жаткандагы видеосу тараган.