Министр президенттин уулу менен болгон мамилеси боюнча үн катты

Курулуш министри Нурдан Орунтаев өлкө башчы Садыр Жапаровдун уулу Рустам менен достугу бар делген кептерге комментарий берди.

Ал президенттин уулу менен эч кандай байланышы жоктугун белгиледи. Ал мурун укук коргоо органдарында иштегенин, андан соң мэриянын департаментин жетектегенин эске салып, бийлик аны министр кылып дайындоодо мамлекет үчүн өтөгөн эмгегин баалаган болушу мүмкүн деген пикирин айтты.

"Бирок менин президент менен туугандык же достук байланышым жок. Анын кабыл алуусуна жыйындарда гана кирем",- деди Орунтаев журналисттерге.