Космоско учкан эң улуу катышуучу Уолли Фанк 87 жашында көз жумду

8-июлда космоско учкан эң улгайган адамдардын бири, америкалык учкуч Уолли Фанк 87 жашында дүйнөдөн кайтты. Бул тууралуу Техас штатындагы Грейпвайн шаарынын бийлиги билдирди.

Уолли Фанк 1961-жылы аял астронавттарды даярдоо боюнча «Меркурий-13» программасына катышкан. Ал бардык сыноолордон ийгиликтүү өткөнү менен, ошол учурда аялдарга НАСАнын астронавты болууга уруксат берилген эмес.

Кийинчерээк Фанк авиация тармагында ийгиликтүү карьера куруп, АКШдагы биринчи аял учуу инструкторлорунун бири, Федералдык авиация башкармалыгынын биринчи аял инспектору жана учуу коопсуздугу боюнча адис болгон. Ал 3 миңден ашуун учкуч даярдаган.

2021-жылы 20-июлда 82 жашында Уолли Фанк Жефф Безостун Blue Origin компаниясынын космостук кемеси менен учуп, Гиннесстин рекорддор китебине кирген. Ал ошол учурда космоско жеткен эң улгайган аял болгон.