Бишкектин айрым аймактарында таза суу берилбей жатат

Бүгүн,10-июлда саат 09:00 чамасында ХБО суу топтомосунда электр тармагына байланыштуу өзгөчө кырдаал катталды.

Буга байланыштуу төмөнкү көчөлөр менен чектелген аймакта суу берүү убактылуу токтотулду: Чыгыш ЧЧК – Анкара көчөсү – Кыдыр-Аке көчөсү – Оберон көчөсү – Лев Толстой көчөсү – Аламүдүн суусу – Горький көчөсү – 7-апрель көчөсү – Чыгыш ЧЧК.

Учурда адистер авариянын кесепеттерин жоюу иштерин башташты. Оңдоо иштери жүргүзүлүп жаткан мезгилде суу топтомонун электр энергиясы толугу менен өчүрүлөт. Насостук жабдуулар электр энергиясы менен иштегендиктен, бул убакыт аралыгында суу берүү мүмкүн болбойт.

"Бишкексууканал" муниципалдык ишканасы тарабынан калкка ичүүчү суу ташып жеткирүү уюштурулары айтылды.