"Мультфильмдегидей..." Бишкек мэри эмне үчүн трамвай тандалганына түшүндүрмө берди

Бишкек шаарынын мэри Айбек Жунушалиев "Ала-Тоо 24" телеканалына курган маегинде борбор калаанын башкы планында тыгынды жоюу үчүн коомдук транспорттордун башка түрлөрү каралганын билдирди.

"Трамвай үчүн шаарга атайын кайра зымдар тартылбайт. Трамвай бир учурда 100дөн ашык адамды ташый алат. Метро куруу дагы каралып жатат. Эгер инвесторлор келе турган болсо каршы эмеспиз.

Бирок метро салуу оорго турат. Азыр жолду 2-3 айга жапканда тургундар эмне гана болуп жатышат. Баары ойлойт мультфильмдегидей эле атайын техникалар жерди асты менен казып кете берет деп. Анын курулуш иштери оор да",- деди ал.