Баткендеги чек арачылардын чыры тууралуу маалымат берилди

Баткендин Лейлек районунда чырдан улам бир чек арачынын жаагы сынды. Бул тууралуу Чек ара кызматы билдирди.

Маалыматта белгиленгендей, уруш келишимдик негизде кызмат өтөп жаткан эки аскер кызматкеринин ортосунда чыккан. Алар инженердик иштерди аткарып жатышкан. Жабырлануучуга дароо биринчи медициналык жардам көрсөтүлүп, андан кийин Бишкектеги Улуттук госпиталдын жаак-бет хирургиясы бөлүмүнө жаткырылган.

Учурда анын ден соолугу канааттандырарлык деп бааланууда. Бул окуя боюнча ички иликтөө жүргүзүлүп баштаган. Тергөө материалдары аскердик прокуратурага өткөрүлүп берилмекчи.