18-июлга карата аба ырайы тууралуу маалымат

Кыргызгидромет кызматы билдиргендей, эртең, 18-июлда өлкөнүн көпчүлүк аймактарында күн ачык болот. Абанын табы айрым аймактарда +43 градуска чейин ысыйт.

Ал эми Ысык-Көл, Ош облустарынын бийик тоолуу аймактарында жаан-чачын жаашы мүмкүн.

Аймактарда абанын температурасы:

• Чүй өрөөнүндө түнкүсүн +22... +27, күндүз +38... +43;
• Талас жергесинде түнкүсүн +17... +22, күндүз +35... +40;
• Баткен, Ош, Жалал-Абад облустарында түнкүсүн +23... +28, күндүз +38... +43;
• Нарын аймагында түнкүсүн +11... +16, күндүз +30... +35;
• Ысык-Көл облусунда түнкүсүн +14... +19, күндүз +28... +33;
• Бишкек шаарында түнкүсүн +25... +27, күндүз +41... +43 градус.