Ошто Oxford мектеби курулуп баштады

Ош шаарында Oxford International School инновациялык билим берүү комплексинин курулушуна мезгил кутучасын салуу аземи болуп өттү. Бул тууралуу калаа мэриясы билдирди.

Маалымдалгандай, курулушка шаар мэри Жанар Акаев страт берип, жаңы комплекс шаардагы билим берүү инфраструктурасын өнүктүрүүгө жана жаш муун үчүн заманбап шарттарды түзүүгө багытталган маанилүү инвестициялык долбоорлордун бири экенин белгилеген.

Белгилей кетсек, буга чейин Ош шаарынын мэриясы менен Oxford International School ортосунда бул долбоорду ишке ашыруу жана билим берүү тармагында кызматташууну өнүктүрүү боюнча эки тараптуу меморандумга кол коюлган.