Ошто Баялинов көчөсүн асфальттоого 10 күн мөөнөт берилди (видео)

Ош шаарынын мэри Жанар Акаев Баялинов көчөсүндө жүргүзүлө турган асфальттоо иштерине барып, көчмө жыйын өткөрдү.

Мэрия билдиргендей, мэр тиешелүү кызматтарга жолду 10 күндүн ичинде сапаттуу бүтүрүү тапшырмасын берди.

"Долбоордун алкагында көчөгө жаңы асфальт төшөлүп, ирригациялык тутум жаңыланат. Бул иштер жол кыймылынын коопсуздугун жана көчөнүн транспорттук өткөрүмдүүлүгүн жакшыртат",- деп белгиленди маалыматта.