Бир аптада 415 мас айдоочу аныкталды

Өлкө аймагында бир апта ичинде 28 миң 753 жол кыймылынын эрежелерин бузуу фактысы аныкталды. Бул тууралуу Жол кыймылынын коопсуздугун камсыздоо башкы башкармалыгы билдирди.

Маалымдалгандай, айтылган көрсөткүч 31-июлдан 6-августка чейин катталган.

• Тиешелүү документтери жок транспорт каражатын башкаруу - 4502;
• Мас абалында транспорт каражатын башкаруу - 415;
• Транспорт каражаттарынын терезелерин мыйзамсыз караңгылатуу - 207;
• Жөө жүргүнчүлөр катышкан жол кыймылынын эрежелерин бузуу - 841;
• Транспорт каражаттарын эксплуатациялоо эрежелерин бузуу - 4582;
• Автоээнбаштык - 33;
• Белгиленген ылдамдык чегинен ашуу - 1567;
• Жасалма мамлекеттик номер менен транспорт каражатын башкаруу - 8;
• Башка жол кыймылынын эрежелерин бузуу фактылары - 13 миң 357.

3241 транспорт каражаты убактылуу токтотуучу жайларга киргизилген.