Министрдин орун басары Медер Абакиров Япониянын өкүлү Эри Арфия менен жолукту

14-августта Тышкы иштер министрлигинде министрдин орун басары Медер Абакиров Япониянын тышкы иштер боюнча парламенттик вице-министри Эри Арфия менен жолугушту.

Тараптар кыргыз-япон мамилелерин мындан ары өнүктүрүү, саясий диалогду улантуу жана экономикалык-гуманитардык кызматташтыкты кеңейтүү маселелерин талкуулашты.

Ошондой эле жогорку жана эң жогорку деңгээлдеги өз ара сапарларды уюштуруу, практикалык кызматташтыкты күчөтүү жана «Борбордук Азия + Япония» диалогунун алкагындагы кызматташтыкты өнүктүрүү боюнча пикир алышты.