Ирандан БАЭге карай эки ракета учурулганы айтылды

Бириккен Араб Эмираттарынын Коргоо министрлиги Ирандын аймагынан учурулган эки баллистикалык ракетаны аныктаганын билдирди. Маалыматка караганда, эки ракета тең деңизге түшкөн.

Ирандын Тышкы иштер министрлиги бул билдирүүнү негизсиз деп атады.

Ошол эле учурда Улуу Британиянын деңиз соода операцияларын координациялоо борбору Йемендин Моха портунан түштүк-чыгышта жайгашкан аймакта жүк ташуучу кеме белгисиз снаряддарга кабылганын билдирди.

АКШ президенти Дональд Трамп Иран менен сүйлөшүүлөр жүрбөй жатканын айтып, Ормуз кысыгы ачык жана кеме каттамы иштеп жатканын билдирди.