Европадагы америкалык объектилерге коркунуч: НАТО билдирүү жасады

НАТО Иран тарабынан болушу мүмкүн болгон коркунучтарга каршы турууга жана альянска мүчө мамлекеттерди коргоо үчүн бардык зарыл чараларды көрүүгө даяр. Бул тууралуу альянстын өкүлү бүгүн, 19-августта чет элдик басылмаларга билдирген.

Анын айтымында, НАТО ар кандай коркунучка каршы турууга даяр жана союздаш өлкөлөрдүн коопсуздугун камсыз кылуу үчүн бардык зарыл аракеттерди көрөт.

Буга чейин, Financial Times басылмасы булактарына таянып, АКШ менен Ирандын ортосундагы жаңжал кайрадан күчөгөн учурда Тегеран Европадагы америкалык аскердик объектилерге сокку урууну карап жатканын жазган.

Маалыматка ылайык, мындай ыктымал соккулар АКШ менен Ирандын ортосундагы чыңалуунун жаңы деңгээлге чыгышына алып келиши мүмкүн.