Таласта өспүрүмдөр карыяны токмоктоп жатып видеого тартышкан (видео)

Талас шаарында бир нече өспүрүмдүн улгайган кишини сабап, тепкилеп, мазактаган видеосу социалдык тармактарга тарады.

Бүгүн, 29-августта милиция окуяга тиешеси бар 2009, 2010 жана 2013-жылы туулган үч өспүрүмдү аныктап, ата-энелери менен бирге райондук ички иштер бөлүмүнө жеткирди.

Маалыматка караганда, жабырлануучу жана анын жакындары өспүрүмдөргө карата доосу жок экенин билдиришкен. Медициналык кароодон кийин улгайган кишиден оор жаракаттар аныкталган эмес.

Окуя боюнча эки өспүрүмгө майда бейбаштык үчүн протокол түзүлүп, 13 жаштагы баланын ата-энесине ата-энелик милдеттерин талаптагыдай аткарбагандыгы үчүн чара көрүлдү.

Үч өспүрүм тең милициянын атайын профилактикалык каттоосуна алынды.