Быйыл Садыр Жапаров Тогонун өкмөт башчысы менен экинчи ирет жолугушту

Бүгүн, 31-августта президент Садыр Жапаров Кыргызстанга келген Тогонун министрлер кеңешинин төрагасы Фор Эссозимна Гнассингбе менен жолугушту.

Өлкө башчысынын басма сөз кызматы маалымдагандай, жолугушууда эки өлкөнүн саясий, соода-экономикалык жана маданий байланыштарын кеңейтүү, ошондой эле БУУ жана башка эл аралык уюмдардын алкагындагы кызматташтыкты күчөтүү маселелери талкууланды.

Садыр Жапаров Тогого Кыргызстандын БУУнун Коопсуздук кеңешинин 2027–2028-жылдарга туруктуу эмес мүчөлүгүнө шайланышын колдогону үчүн ыраазычылык билдирди.

Эскерте кетсек, Гнассингбе быйылкы жылдын апрель айында расмий мамлекеттик сапары менен Кыргызстанга келип, Садыр Жапаров менен жолугуп кеткен.