Өлкөдө V Элдик курултай 18-декабрда Бишкекте өтөт

V Элдик курултай 18-декабрда Бишкек шаарында өтөт. Тиешелүү жарлыкка президент Садыр Жапаров кечээ, 3-сентябрда кол койду.

Жарлыкка ылайык, курултайга 700 делегат шайланат. Делегаттардын квотасы, уюштуруу комитетинин курамы жана анын иш тартибин жөнгө салган убактылуу жобо бекитилди.

Делегаттарды шайлоо тартиби IV Элдик курултайдын Улуттук кеңеши иштеп чыгып, бекиткен жобонун негизинде аныкталат. Шайлоо жараянын уюштуруу комитети координациялайт.

Делегаттарды шайлоого Элдик курултайдын катчылыгы, президенттин облустардагы ыйгарым укуктуу өкүлдөрү, жергиликтүү мамлекеттик администрациялар, жергиликтүү өз алдынча башкаруу органдары жана бир катар министрликтер катышат. Ички иштер министрлигине жер-жерлерде коомдук тартипти жана коопсуздукту камсыз кылуу милдети жүктөлдү.

Эскерте кетсек, IV Элдик курултай 2025-жылдын 25-декабрында өткөн.