Кызматтан кеткен юстиция министринин ордуна Алмаз Айылчиев барды

Бүгүн, 8-сентябрда Алмаз Айылчиев юстиция министринин милдетин аткаруучу болуп дайындалды. Ал президенттин жана Министрлер кабинетинин укуктук жактан камсыз кылуу башкармалыгынын жетекчисинин орун басары, укуктук жактан камсыз кылуу бөлүмүнүн башчысы кызматынан бошотулду. Бул тууралуу өлкө башчысынын басма сөз кызматы билдирди.

Маалым болгондой, тиешелүү тескемеге мамлекет башчысы Садыр Жапаров кол койду.

Ушундай эле тескеменин негизинде Айылчиевдин ордуна Бакыт Нурудинов барды.