Таласта борбордук мечиттин чиймесин чийген куруучу сыймыгы менен бөлүштү (видео)

Таласта борбордук мечиттин архитектуралык чиймесин чийген куруучу өз ишине сыймыктанды. Бул тууралуу ал бүгүн, 11-сентябрда социалдык тармактагы баракчасы аркылуу бөлүштү.

Автор өз колу менен чийген долбоордун ишке ашып, аны президент Садыр Жапаров ачып жатканын чоң сыймык катары белгиледи.

"Батир, ресторан, офис чийебиз, алардын баарын акчага чийебиз. Бирок мынчалык сыймык болбойт",- деди ал.

Белгилей кетсек, төрт кабаттуу имарат 4500 адамды кабыл алууга ылайыкталган. Мечитте намаз окуу залдары, диний билим берүү жана коомдук иш-чараларды өткөрүү үчүн атайын бөлмөлөр каралган.