Футбол боюнча кыздар курамасы CAFA чемпиону болду

Кыргызстандын U-17 кыздар курама командасы Борбор Азиянын футбол ассоциациясынын CAFA U-17 Women’s Championship эл аралык мелдешинде жеңишке жетишти.

Кыргыз футбол союзу билдиргендей, мелдеш 19-сентябрда Ташкентте өткөн.

Жыйынтыктоочу турда курама Тажикстанга каршы кез келип, 2-0 эсебинде алдыга чыкты.

Белгилесек, бул мелдешке Кыргызстан менен Ирандан сырткары Тажикстан жана Өзбекстан курама командалары катышты.

Буга чейинки эки турда курама 2-1 эсебинде Иранды жеңген жана 0-0 эсеби менен Өзбекстан менен тең чыккан. Ошентип, команда 7 упай менен (Иран - 6 упай, Өзбекстан - 4 упай, Тажикстан - 0 упай) турнирдик жадыбалдын сап башына чыкты.

Муну менен курама Кыргызстан курама командалардын тарыхында Борбор Азиянын футбол ассоциациясынын алгачкы алтын медалдарын жеңди.