Криштиану Роналду Португалиянын курамасына чакырылды

Сауд Арабиясынын "Аль-Наср" клубунун чабуулчусу Криштиану Роналду Португалиянын улуттук курама командасына Улуттар лигасынын беттештерине чакырылды. Бул тууралуу чет элдик спорт басылмалары жазып чыкты.

Португалия курамасы тайпалык баскычта Дания, Норвегия жана Уэльс командалары менен беттешет. Жаңы сезонду португалиялыктар 24-сентябрда өз талаасында Уэльске каршы оюн менен баштайт.

Португалиянын оюндар календары:

• 24-сентябрь — Португалия – Уэльс;

• 27-сентябрь — Норвегия – Португалия;

• 1-октябрь — Дания – Португалия;

• 4-октябрь — Португалия – Норвегия;

• 14-ноябрь — Португалия – Дания;

• 17-ноябрь — Уэльс – Португалия.