Бишкекте Урматбек Абдылдаев дайынсыз болуп изделип жатат

Бишкекте 41 жаштагы Урматбек Абдылдаев дайынсыз болуп изделип жатат. Бул тууралуу калаанын Свердлов райондук милициясы билдирди.

Маалыматка ылайык, ал 15-сентябрда саат 13:00 чамасында Арча-Бешик конушундагы үйүнөн чыгып кеткен боюнча кайтып келген эмес.

Акыркы жолу анын жүргөн жери Жибек жолу жана Совет көчөлөрүнүн кесилишинде катталган.

Өзгөчө белгилери: бою 165-168 сантиметр.

Кийген кийими: кара түстөгү спорттук костюм, боз түстөгү кепка.

Абдылдаев тууралуу кандайдыр бир маалыматка ээ болгон жарандар төмөнкү номерлерге байланышып койсо болот: 0 (312) 43-32-75, 0500 43-28-15 же 102.