Депутат Бишкектеги тыгынды жоюу үчүн бөлүнгөн акчага кызыкты (видео)

Жогорку Кеңештин депутаты Максат Алымбеков Бишкектин Абдрахманов көчөсүндөгү тыгынды жоюу үчүн бөлүнгөн 160 миллион сомдун колдонулушуна кызыкты.

Эл өкүлү бүгүн, 7-октябрдагы парламент жыйынында акча каражаты 2-3 жыл мурун Бишкек мэриясынын бюджетинен бөлүнгөнүн эске салды.

"Бишкекте бүгүнкү күндө тыгын чоң маселе болуп жатат. Абдрахманов көчөсүн эртең менен эрте жол тескөөчүлөр жөнгө салууда. Жолду автоматтык түрдө жөнгө салуу боюнча программаны киргизүү үчүн акча бөлүнгөн. Учурда ал тутум иштеген жок. Акча каякка кетти?",- деди ал.