Эр-Рияд аэропортундагы сокку: Жабыркагандардын арасында Кыргыз жарандары жок

Сауд Арабиясынын Эр-Рияд шаарындагы "Падыша Халид" атындагы эл аралык аэропортко жасалган соккулардын кесепетинен каза болгондордун жана жабыркагандардын арасында Кыргыз жарандары жок. Бул тууралуу Тышкы иштер министрлиги бүгүн, 12-октябрда билдирди.

Айта кетсек, ишемби күнү хуситтер Эр-Рияддагы аба майданга чабуул жасашкан. Анын кесепетинен 12 адам каза болуп, 309 адам жаракат алган.

ТИМ аталган өлкөгө барууну пландап жаткан же анын аймагында жүргөн мекендештерге төмөнкүлөрдү сунуштады:

• Жеке коопсуздук чараларын көрүүнү;
• Жергиликтүү бийлик органдарынын расмий билдирүүлөрүнө көз салууну жана алардын көрсөтмөлөрүн аткарууну;
• Авиакомпаниялардан жана аэропорттордон авиакаттамдардын макамын алдын ала тактоону;
• Кооптуу болушу мүмкүн болгон аймактарга, ошондой эле чектөөлөр киргизилген жерлерге баруудан алыс болууну.