Бишкектин айрым аймактарында суу өчүрүлөт 

Эртең, 13-октябрда Бишкек шаарынын айрым аймактарында суу берүү убактылуу тоутотулат. Бул тууралуу мэрия билдирди.

Саат 9:00дөн 00:00гө чейин турак үйлөрдө, мектептерде, мектепке чейинки билим берүү мекемелеринде, саламаттыкты сактоо объекттеринде, ошондой эле социалдык-тиричилик жана өнөр жай багытындагы башка объекттерге ичүүчү суу берүү убактылуу токтотулат.

Суу өчүрүлө турган аймактар төмөнкү көчөлөр менен чектелет:

Алыкулов көчөсү – Костанай көчөсү – Муром көчөсү – Садыгалиев көчөсү – Шабдан Баатыр – "Coca-Cola" аймагы;

Садыгалиев көчөсү – Чүй проспекти – Лумумба көчөсү – Волков көчөсү – Костанай көчөсү, андан ары Алимжан-Ата көчөсү – Чоң Чүй каналы (БЧК) – Ленская көчөсү – Космонавттар көчөсү – Коммунаров көчөсү – Чоң Чүй каналы – Ала-Арча дарыясы – Рыскулов көчөсү – Чүй проспекти – Пишпек көчөсү – Жамгырчинов көчөсү – Кайназарова көчөсү – Гатчина көчөсүнө бурулуш – Лумумба көчөсү – Жамгырчинов көчөсү менен Садыгалиев көчөсүнө чейин;
Аскер шаарчасы, Кызыл-Аскер конушу, 110-квартал жана Достук кичи району.

Өчүрүүнүн себеби "Западный" суу топтомосунда жана шаардык суу түтүктөрүндө оңдоо иштерине байланыштуу экени кошумчаланды. Мэрия шаар тургундарды суу камдап алууга чакырат.