Супер-Инфо
super.kg видео
Мэрия: Бишкектеги көмүр кампалары кышка даяр
Бишкекте күз-кыш мезгилдерине карата көмүр кампалары иштеп баштады. Бул тууралуу мэриядан билдиришти.
Борбор каланын 4 районунда тең отундун жетиштүү запасы бар жана баалар туруктуу көзөмөлгө алынганы маалым болду. Сатыкка негизинен "Кара-Кече" жана "Шабыркүл" көмүрлөрү сунушталууда.
Ленин району: Калкты тейлөөгө 12 көмүр базасы даяр. Кампаларда 7 миң тоннага жакын көмүр бар. Бир тоннасынын баасы - 7000 сом.
Биринчи Май району: Аймакта 8 туруктуу соода түйүнү иштеп жатат. Көмүрдүн бир тоннасы 7000 сом, ал эми бир мүшөгү 300 сомдон сатылууда.
Свердлов району: Калкты 9 көмүр базасы камсыздап жатат, алардагы жалпы запас 6084 тоннаны түзөт. "Кара-Кече" көмүрүнүн тоннасы 7000 сом, "Шабыркүл" көмүрү болсо 7800 сомдон бааланууда.
Октябрь району: Учурда 5 түйүн ачылып, аларда 2349 тонна отун запасы бар. "Кара-Кече" көмүрүнүн тоннасы 7000 сомду түзөт. Жакынкы күндөрү кошумча көлөмдөрдү жеткирүү пландалууда.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
Рейтинг: 
0
0
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.