Көк-Жардагы 15 кабаттуу үйдүн курулушун бүткөрүү маселеси талкууланды (видео)

Курулуш министри Нурдан Орунтаев бүгүн, 3-ноябрда курулушу 2022-жылдан бери бүтпөй жаткан 200 батирлүү турак жай комплексинде жарандар менен жолукту. Объект Бишкек шаарындагы Көк-Жар конушунун Куйручук көчөсү 197/2 дарегинде жайгашкан.

Мекеменин маалыматына ылайык, 15 кабаттуу турак жай “Эмаком” жана “Ханстрой” ЖЧКлары тарабынан бүгүнкү күнгө чейин толук бүткөрүлбөй келет.

Орунтаев турак жай комплексин толук бүтүрүү үчүн объектти министрликке өткөрүү, инвестор тартуу мүмкүнчүлүгүн сунуштады. Министр бул демилге мамлекеттин кандайдыр бир пайда табуусун көздөбөй турганын, негизги максат ар бир үлүш ээсин үйсүз калтырбай, турак жайды пайдаланууга берүү экенин белгиледи.

Үлүш ээлери сунушталган демилгени колдой тургандыктарын билдирип, объектти министрликтин карамагына өткөрүү боюнча макулдуктарын мыйзамда белгиленген тартипте расмий кат жүзүндө билдирип, тиешелүү кайрылуу жолдошорун билдиришти.