Бишкекте автобустардын жүрүү аралыктарынын созулуп кетишинин себеби айтылды (видео)

Бишкекте эл ташыган автобустардын жүрүү аралыктары кечке маал созулуп кетип жатат. Бул тууралуу борбор калаа мэриясынын Транспорт жана жол-транспорттук инфратүзүмдү өнүктүрүү департаментинин директорунун орун басары Максат Жумабаев бүгүн, 3-ноябрда "Биринчи радиого" курган маегинде билдирди.

"Саат 17:00дөн баштап автобустар тыгында туруп калып жатат. Шаардын четине чыга турган багыттардагы автобустар жетишпей калууда. Көйгөйдү чечүү үчүн узак каттамдарды экиге бөлүүнү сунуштап жатабыз. Бирок каттамды өзгөртсөң элдин жашоосуна таасир тийгизет",- деди ал.